1996 йилнинг апрель ойида Ўзбекистонда рўйхатдан ўтган қўшма корхона мамлакат аҳолисига ўша вақтда мулоқот қилишнинг энг янги стандартларини таклиф қилди. COSCOM МЧЖ (ТМ Ucell) хорижий корхонаси биринчи бўлиб GSM 900/1800 технологияси ёрдамида Ўзбекистон бозорида симсиз алоқа тизими жорий қилишга муваффақ бўлди. Компаниянинг 20 йиллик фаолиятига бағишланган тантанали тадбир жуда бой ва кўп асрлик тарихга эга бўлган, уяли алоқа оператори частотасида илк бор қўнғироқ қилинган Самарқанд шаҳрида ўтказилди.
Ушбу муҳим воқеа Самарқанд шаҳрининг энг ҳашаматли меҳмонхоналаридан бири — Registon Plaza’да ўтказилди. Бу ерда компаниянинг Ўзбекистондаги илк қадамларини эслаш учун унинг бир неча энг биринчи мижозлари, аввалги ва ҳозирги ходимлари, дистрибьюторлар, расмий кишилар, ОАВ — Ucell компаниясининг дўстлари жам бўлди. Ўзига хос байрам дастури компаниянинг Ўзбекистондаги шаклланиш ва ривожланиш тарихи билан боғлиқ бўлган илиқ хотиралар билан кечадиган оилавий учрашувга ўхшаб кетди. Меҳмонлар учрашувнинг ҳақиқий қаҳрамонларига айланиб, ўша узоқ кунлар ҳақидаги хотиралари, уяли алоқа ғайриоддий фантастик олам яратганлиги тўғрисидаги ўз ҳиссиётлари билан бажонудил ўртоқлашди. Бу жараёнда ўтмиш ва бугунни бирлаштирадиган ажойиб тақдимот барчада ёрқин таассурот қолдирди. Уяли алоқа операторларининг ривожланиш босқичлари орқали мамлакат ана шу 20 йил давомида нақадар ривожланиб кетганлигини кузатиб бориш мумкин эди. Ўтган даврга назар ташлаб, бугунги кунда Ucell интернетидан фойдаланаётган мижозлар янада қулай, тезкор, хавфсиз ва қизиқарли алоқа тизимини қўллаётганига амин бўлди.
Ботиржон Ниёзов, 1998 йилдан бошлаб Ucell мижози: «20 йил аввал уяли алоқа қандайдир фантастик нарса бўлиб кўринган ва мен биринчилар қаторида ушбу компаниянинг абоненти бўлганимдан жуда бахтиёр эдим. Мен ўшандаги ҳиссиётларимни ҳануз эслайман. Гўёки орзуларим рўёбга чиққандай бўлди. Ўтган йиллар давомида мен ўз SIM-картамни бирон марта ўзгартирмадим ва бугун сизлар билан бирга эканлигимга раҳмат айтмочиман!»
Тадбир давомида меҳмонлар 2007 йил оператор тарихидаги муҳим босқич бўлганини алоҳида эътироф этди. Компаниянинг бош акциядори бўлган TeliaSonera Швеция-Финляндия компанияси унинг инфратузилмасига ҳам, ходимларни ривожлантириш ишларига ҳам жиддий инвестицияларни кирита бошлади. Ucell кенг қамровли техник ва технологик янгиланиш жараёнларини бошлаб юборди. Натижада Ucell’нинг муваффақиятли бренди миллионлаб фуқароларнинг қалбини забт этди ва компания бу йўлда муҳим қадам қўйди — уяли алоқани зийнат буюмидан ҳар бир одам баҳраманд бўла оладиган алоқа воситасига айлантирди. Бугунги кунда унинг қарийб 9 миллион мижози мавжуд.
Александр Бриленко, Ucell компаниясининг радио тармоғини йўлга қўйиш гуруҳи раҳбари: «2007 йилгача компанияда атиги 600 мингта абонент ва тахминан 400–500 та асосий станциялари мавжуд бўлган. Ucell келганидан сўнг фаолият миқёси кескин ўзгарди. Йил давомида чиндан ҳам юзлаб телекоммуникация станциялари фойдаланишга топширила бошланди».
Ҳар бир инсон фойдалана оладиган интернет, минтақанинг узоқ-яқинлигидан қатъий назар сифатли сервис хизматлари билан бир қаторда, Ucell одамлар ҳаётини янада обод қилиш стратегиясига содиқлигича қолмоқда. Бунинг учун компания тармоқ фаолиятини янада яхшилаш, мижозларга хизмат кўрсатиш бўйича тижорат офисларини (мамлакат бўйлаб 23 тага етиб улгурди!) янгилаш, йўловчилар транспорти, хизмат кўрсатиш соҳаси, бизнес тузилмалари фаолиятидаги кундалик турмушни соддалаштирувчи М2М қарорларига (machine-to-machine) инвестицияларини йўналтирмоқда.
Тони Грюнберг, Ucell бош директори: «Билдирган ишончлари, биргаликда эришган муваффақиятларимиз учун барча мижозларимиз, шерикларимиз ва COSCOM / Ucell ходимларига чин юракдан миннатдорчилик билдираман! Ўзларининг уяли алоқа операторлари сифатида Ucell’ни танлаётганлар бу соҳа мамлакатда янада ривожланишига ўз ҳиссаларини қўшаётгани ва биз билан бирга одамлар ҳаётини янада яхшилашни истаётгани учун бағрикенг инсонлар эканини албатта билиши лозим. Мана шу самарали 20 йиллик фаолиятимиз учун сизларга мингдан минг раҳмат ва аминманки, энг юксак муваффақиятларимиз ҳали олдинда!»
Реклама ҳуқуқи асосида
Изоҳ (0)