Туркиянинг Сомондоғ шаҳрида яшовчи 111 ёшли Фойиқия Сокер узоқ умр кўриш сирлари билан ўртоқлашди. 1904 йилда туғилган аёлнинг саккиз фарзанди, 120 набираси ва бир қанча эвараси бор. У болалигини жуда яхши эслайди, деб хабар беради Mirror нашри.
Узоқ йиллар акушер бўлиб ишлаган Сокернинг аҳволидан бугун нафақат қариндошлари, балки қўни-қўшнилари ва танишлари ҳам бохабар бўлиб туради. Унинг таъкидлашича, узоқ умр кўриш учун соғлом овқатланиш ва кўпроқ кулиш кифоя.
«Худодан узоқ умр бергани учун миннатдорман. Бу неъмат барчага ато этилади деган умиддаман. Ёшларга овқат ва алкоголь масаласида ўзларини тийишни тавсия қиламан. Ва, албатта, кўпроқ кулиш керак», — дейди кекса аёл.
Сокер хонимнинг набираси — 42 ёшли Ханифининг айтишича, бувиси тирик афсонага айланиб улгурган.
«Қариганимда ундай бўлишни хоҳлайман. Бувим ўзини жуда яхши ҳис қилади ва ўзига хос ҳазилкашлигини йўқотмаган», — дейди у.
Изоҳ (0)