Испания чемпионати 36-турида «Валенсия» ўз майдонида «Вильярреал» жамоасига 0:2 ҳисобида имкониятни бой берди. Мазкур учрашув Оналар кунида бўлиб ўтди, деб хабар қилмоқда «Чемпионат».
Испанияда Оналар куни май ойининг биринчи якшанбасида нишонланади. Ана шу муносабат билан «Валенсия» футболчилари ўз оналарининг қизлик фамилияси остида майдонга тушди.
Денис Черишев учрашувда «Черишева», Пако Алькасер — «Гарсия», Альваро Негредо — «Санчес», Даниэль Парехо — «Муньоз» ёзувли футболкада ҳаракат қилди.
«Sports.ru» нашрининг маълум қилишича, шу йўл орқали «Валенсия» аёлларнинг футболдаги ва жамиятдаги роли, шунингдек, миллионлаб аёлларнинг ҳар кунги хатти-ҳаракати ва қурбонликларини тан олди.
Изоҳ (0)