Ispaniya chempionati 36-turida “Valensiya” o‘z maydonida “Vilyarreal” jamoasiga 0:2 hisobida imkoniyatni boy berdi. Mazkur uchrashuv Onalar kunida bo‘lib o‘tdi, deb xabar qilmoqda “Chempionat”.
Ispaniyada Onalar kuni may oyining birinchi yakshanbasida nishonlanadi. Ana shu munosabat bilan “Valensiya” futbolchilari o‘z onalarining qizlik familiyasi ostida maydonga tushdi.
Denis Cherishev uchrashuvda “Cherisheva”, Pako Alkaser — “Garsiya”, Alvaro Negredo — “Sanches”, Daniel Parexo — “Munyoz” yozuvli futbolkada harakat qildi.
“Sports.ru” nashrining ma’lum qilishicha, shu yo‘l orqali “Valensiya” ayollarning futboldagi va jamiyatdagi roli, shuningdek, millionlab ayollarning har kungi xatti-harakati va qurbonliklarini tan oldi.
Izoh (0)