Бурундида автобус ағдарилиб кетиши оқибатида 20 дан ортиқ одам ҳалок бўлди

Бурунди шарқидаги йўл-транспорт ҳодисасида 20 дан ортиқ одам ҳалок бўлди. «РИА Новости»нинг France Press агентлигига асосланиб маълум қилишича, ҳалок бўлганлар орасида мактаб ўқувчилари ва уларнинг синф раҳбарлари бор.

Айтилишича, Рутана провинциясида 130 дан ортиқ ўрта мактаб ўқувчилари мамлакатнинг марказий минтақасига уюштирилган сайрдан қайтаётган чоғда уларни олиб кетаётган автобус ағдарилиб кетган. Бунинг оқибатида кўплаб болалар ва ўқитувчилар ҳалок бўлган, ўнлаб одамлар жароҳат олган.