Burundida avtobus ag‘darilib ketishi oqibatida 20 dan ortiq odam halok bo‘ldi

Burundi sharqidagi yo‘l-transport hodisasida 20 dan ortiq odam halok bo‘ldi. “RIA Novosti”ning France Presse agentligiga asoslanib ma’lum qilishicha, halok bo‘lganlar orasida maktab o‘quvchilari va ularning sinf rahbarlari bor.

Aytilishicha, Rutana provinsiyasida 130 dan ortiq o‘rta maktab o‘quvchilari mamlakatning markaziy mintaqasiga uyushtirilgan sayrdan qaytayotgan chog‘da ularni olib ketayotgan avtobus ag‘darilib ketgan. Buning oqibatida ko‘plab bolalar va o‘qituvchilar halok bo‘lgan, o‘nlab odamlar jarohat olgan.