Керри: АҚШ Россияга Сурияда террорчиларга қарши қонуний ҳуқуққа эга жанглар ҳудудини белгилашни таклиф қилди

АҚШ Россияга Сурияда ўт очишни тўхтатиш режимига риоя қилинишини биргаликда кеча-ю кундуз  кузатиш ва террорчиларга қарши қонуний ҳуқуққа эга ҳарбий ҳаракатлар зонасини белгилашни таклиф қилди, деб ёзади «ТАСС» АҚШ давлат котиби Жон Керрининг The New York Times газетасига берган интервьюсига таяниб.

«Биз ҳатто чизиқ, мутлақ чизиқ чизиб қўйишни таклиф қилдик. Сиз у ерга кирмайсиз, биз бу ерга кирмаймиз, ўртада қолгани эса ҳалол ўйин ҳисобланади», — дея аниқлик киритди ташқи сиёсий муассаса раҳбари.

У ушбу масала бўйича келишувга келаси ҳафтада эришишни кўзламоқда. «Улар (россияликлар) буни (таклифни) кўриб чиқмоқда, ўйлайманки, барчаси бир ҳафтадан кейин ёки ўша атрофда амалга ошади», — деди Керри.