AQSh Rossiyaga Suriyada o‘t ochishni to‘xtatish rejimiga rioya qilinishini birgalikda kecha-yu kunduz kuzatish va terrorchilarga qarshi qonuniy huquqqa ega harbiy harakatlar zonasini belgilashni taklif qildi, deb yozadi “TASS” AQSh davlat kotibi Jon Kerrining The New York Times gazetasiga bergan intervyusiga tayanib.
“Biz hatto chiziq, mutlaq chiziq chizib qo‘yishni taklif qildik. Siz u yerga kirmaysiz, biz bu yerga kirmaymiz, o‘rtada qolgani esa halol o‘yin hisoblanadi”, — deya aniqlik kiritdi tashqi siyosiy muassasa rahbari.
U ushbu masala bo‘yicha kelishuvga kelasi haftada erishishni ko‘zlamoqda. “Ular (rossiyaliklar) buni (taklifni) ko‘rib chiqmoqda, o‘ylaymanki, barchasi bir haftadan keyin yoki o‘sha atrofda amalga oshadi”, — dedi Kerri.
Izoh (0)