АҚШнинг Аризона штатида номаълум шахснинг ўт очиши оқибатида 2 полициячи яраланди

АҚШнинг Чандлер шаҳрида (Аризона штати) номаълум шахс икки нафар полициячига жароҳат етказди. Бу ҳақда, Чандлер полиция бошқармаси маълумотига таяниб, «ТАСС» хабар берди.

Ҳодиса Walmart дўконлар тармоғидан бирида юз берди. Унинг ходимлари хизмат хонасидан номаълум эркакни чиқариб юборишини сўраб полицияга мурожаат қилди. Полициячилар воқеа жойига етиб келиши билан эркак уларга қарата ўт очди. Полициячилар ҳам бунга жавобан ўт очишга мажбур бўлди, жиноятчи ўлдирилди.

Яраланган ҳуқуқни муҳофаза қилиш органи ходимлари шифохонага етказилди. Шифокорлар уларнинг аҳволи қониқарли эканлигини маълум қилди.