А серия, 34-тур. «Милан» ўз майдонида ауцайдер «Карпи»ни мағлуб эта олмади
Футбол бўйича Италия А сериясининг 34-тури «Милан» ҳамда «Карпи» жамоалари ўртасидаги ўйин билан якунланди.
Беллашувда «Милан» рақиби дарвозасига йўл топа олмади ва 0:0 ҳисобига имзо чекди. Томонларнинг Карпидаги ўйинида ҳам ҳисоб очилмаганди.
Мазкур дуранг натижадан кейин «Карпи» А серияда жон сақлаб қолиш учун яна бир қадам ташлади. Мавсум якунига 4 та тур қолганида клуб 32-очко билан 17-ўринни эгаллаб турибди. Ундан кейинги ўринда бораётган «Фрозиноне» ҳисобида 30 очко бор.
34-турда Тотти томонидан қайд этилган дублдан сўнг «Милан» Европа Чемпионлар Лигасига йўлланма олиш имкониятини тўлиқ йўқотганди. Айни пайтда клуб Европа лигаси турнирида иштирок этиш учун кураш олиб боряпти.
Маълумот учун, «Милан»дан олдинроқда бораётган «Интер» ҳисобида 61, «Фиорентина»да 59 очко жамғарилган. «Милан» эса очколари сонини 53 тага етказди.
Италия А серияси 34-тур беллашуви 21 апрель, пайшанба
