Футбол бўйича Осиё Чемпионлар Лигасининг «А» гуруҳида 5-тур учрашувлари ўз якунига етди. 20 апрель санасидан ўрин олган куннинг иккинчи ўйинида Саудия Арабистонининг «Ал-Иттиҳод» клуби Эроннинг «Сепаҳон» клуби устидан 4:0 ҳисобида зафар қучди.
«Ал-Иттиҳод»га қарши беллашувда ўзбекистонлик футболчи Фозил Мусаев тўлиқ ҳаракат қилди ва 5-тур якунига кўра унинг жамоаси мусобақани муддатидан аввал тарк этди.
Мазкур беллашувда дуранг натижа қайд этилса ёки форс жамоасининг қўли баланд келса, Тошкентнинг «Локомотив» клуби ўз тарихида биринчи бор мусобақанинг нимчорак финал босқичига йўлланма олиши мумкин эди. 5-тур якунига кўра «темирйўлчилар» тақдирига сўнгги тур ойдинлик киритиб берадиган бўлди.«Локомотив» сўнгги турни 4 май куни Тошкентда БААнинг «Ан-Наср» клубига қарши ўтказади. Мазкур беллашувдаги дуранг натижа ҳар икки клубни гуруҳ босқичидан олиб чиқади. Эҳтимолий мағлубият «Ал-Иттиҳод» параллел ўйинда очко йўқоцагина «Локомотив» учун 2-ўринни кафолатлайди.
«А» гуруҳи. 5-турдан кейинги ҳолат
| № | Жамоа | Ў | Ғ | Д | М | Т/Н | О |
| 1 | «Локомотив» | 5 | 2 | 3 | 0 | 6:3 | 9 |
| 2 | «Ан-Наср» | 5 | 2 | 2 | 1 | 5:4 | 8 |
| 3 | «Ал-Иттиҳод» | 5 | 1 | 3 | 1 | 7:4 | 6 |
| 4 | «Сепаҳон» | 5 | 1 | 0 | 4 | 2:9 | 3 |
Изоҳ (0)