Энг йирик Япония компаниялари, шу жумладан, Toyota, Honda ва Nissan автомобиль ишлаб чиқарувчилари, шунингдек, Sony ва Fujifilm электроника компаниялари 2011 йилдан буён кузатилган энг вайронкор зилзиладан зарар кўрган ҳудудда ўз корхоналари ишини тўхтатиб қўйди, деб ёзади «Интерфакс».
Toyota Кюсю оролидаги заводлари деталлар етказиб беришдаги узилишлар туфайли ёпилганини маълум қилди. Фирма ҳисоб-китобларига кўра, зилзила натижасида унинг операция даромади жорий чоракда 30 миллиард иена (277 миллион доллар)га қисқариши мумкин.
Honda Кумамото префектурасидаги заводида мотоцикллар ишлаб чиқаришни вақтинчалик тўхтатган бўлса, Nissan корхонанинг Фукуока префектурасидаги фаолиятини бинога етган зарарни баҳолаш учун тўхтатиб қўйди.
Нашр эслатишича, 14 апрель ва 16 апрелда Кюсю оролининг ғарбий соҳилидаги Кумамото префектурасида иккита йирик зилзила содир бўлди. Офат натижасида 42 киши ҳалок бўлди, 2 мингдан зиёд киши жабр кўрди, 110 мингдан ортиқ киши бошпаналарга эвакуация қилинди.
Изоҳ (0)