Заха Ҳадиддан меъморчилик дурдоналари

Бугун, 1 апрель куни машҳур ироқлик меъмор, 2004 йилда аёллардан биринчи бўлиб Притцкер премиясини олган Заха Ҳадид оламдан ўтгани маълум қилинди.

Шу муносабат билан AdMe бу афсона шахснинг энг ёрқин меъморчилик лойиҳаларини ёдга олди.

Ҳайдар Алиев маркази, Боку, Озарбайжон

2013 йилда қад кўтарган замонавий маданият маркази Боку ва бутун Озарбайжон рамзига айланди. Мажмуа таркибига аудиториум, музей, концерт-холл, кўргазма заллари ва маъмурий офислар киради.

Риверсайд транспорт музейи, Глазго, Шотландия

Музейнинг очилиши 2009 йилга мўлжалланган эди, аммо инқироз туфайли лойиҳа тўхтатиб қўйилди. Орадан етти йил ўтиб, бино барибир қуриб битказилди.

ЖЧ-2022 учун футбол стадиони, Қатар

Ал-Вақра шаҳридаги стадион 585 минг квадрат метр майдонни эгаллаган улкан мажмуанинг бир қисмидир. Унга 40 минг мухлис сиғади; стадионнинг юқори сатҳини кўчириш имконияти мавжуд бўлиб, бу жаҳон чемпионатидан сўнг унинг сиғимини икки мартага қисқартириш имконини беради.

Ар-Риёддаги тилла метро бекати, Саудия Арабистони

Заханинг эътироф этишича, бу лойиҳа устида ишлаганида Саудия чўлларининг қумтепаларидан илҳомланган экан. Метро бекати энди қурилади.

Белграддаги кўп мақсадли Beko Masterplan мажмуаси, Сербия

Эски текстиль фабрикаси ҳудудида жойлашадиган янги мажмуа Белграднинг энг чиройли объектларидан бирига айланиши кутилмоқда.

Манхеттендаги уй, АҚШ

L ҳарфи шаклидаги уй 11 қаватли бўлиб, ҳар бири 510 квадрат метргача бўлган ҳудудни эгаллайдиган 37 квартирани ўз ичига олади. Шифтлар баландлиги — уч метр. Уйда, шунингдек, спа-марказ, боғ ва ёпиқ ҳовуз бўлади.

Гонгконг политехника университети, Хитой

Бино ўқув ва илмий-тадқиқот лабораториялари мажмуасини ўзида жо этади.

Бонндаги Бетховен номли 2020 йил фестивали мажмуаси, Германия

Немис меъмори Зигфрид Вольске биносининг мукаммаллаштирилган кўриниши. Бино атрофида қад кўтарадиган айвонларда очиқ осмон остида спектакллар намойиш этилади.

Макаодаги 40 қаватли меҳмонхона, Хитой

150 минг квадрат метр майдонга жойлашадиган меҳмонхонада жами 780 та хона, шунингдек, пентхауслар, конференц-холлар, ўйин заллари, ресторанлари, лобби, спа-марказ ва очиқ ҳовуз бўлади. 2013 йилда қурилиши бошланган меҳмонхонанинг очилиши 2017 йилга мўлжалланган.

Чанша халқаро маданият ва санъат маркази, Хитой

Бино Чанша шаҳридаги Мэйсиху шаҳрида барпо этилади.

Дубайдаги Signature Towers осмонўпар бинолари, БАА

Бу биноларда Дубайнинг янги бизнес маркази жойлашади. Бу ерда офислар, меҳмонхона ва савдо маркази бўлади.

Абу-Дабидаги Opus Office Tower, БАА

93 метр баландликдаги 21 қаватли бино ўртасидаги «ёриқ» билан диққатга сазовордир. Кечаси бу «ёриқ» нурга ва ёруғликка тўлади.

Токиодаги 2020 йилги Олимпия ўйинлари учун стадион, Япония

Токионинг янги олимпия стадиони 1964 йилги Олимпиада учун қурилган стадионнинг ўрнида қад кўтаради. Унинг сиғими — 80 минг киши, майдони — 290 минг квадрат метр. Қурилиш ишлари 2018 йилда якунланади.

Чикагодаги Бёрнхэм павильонлари, АҚШ

Бу павильонлар машҳур америкалик қурувчи Дениэль Бёрнхэм хотирасига бағишланади. Унинг ичида Чикагонинг ривожланиши акс эттирадиган аудио ва видеоинсталляциялар намойиш этилади.

Барвихадаги хусусий уй, Россия

Фазо кемаси шаклидаги Capital Hill Residence номли хусусий уй Москванинг Рублёвка шоссесидаги Барвиха қишлоғида қурилди. Майдони — 2 650 квадрат метр. 22 метр баландликдаги иккита минорада ётоқхоналар ва болалар хоналари, ертўлада фин саунаси, ҳаммом, рус баняси, фитнес зали ва меҳмонхона жойлашган.