Рустам Қосимжонов ФИДЕ рейтингида бир поғонага кўтарилди

Халқаро шахмат федерацияси (ФИДЕ) дунё шахматчиларининг 2016 йил, 1 апрель ҳолатига кўра янги рейтингини эълон қилди, деб хабар бермоқда «Оламспорт».

Унга кўра, амалдаги Жаҳон чемпиони норвегиялик Магнус Карлсен рейтингда пешқадамликни давом эттирмоқда. Россиялик Владимир Крамник иккинчи, америкалик Фабиано Каруана эса кучли учликка якун ясаган. Ўзбекистонлик Рустам Қосимжонов бу сафарги рейтингда бир поғонага юқорилаб, 45-ўринни эгаллаб турибди. Март ойи рейтингида 17-жаҳон чемпиони 46-поғонада қайд этилган эди.

ФИДЕ рейтинги. 1 апрель

1. Магнус Карлсен (Норвегия) – 2851 очко

2. Владимир Крамник (Россия) – 2801

3. Фабиано Каруана (АҚШ) – 2795

4. Аниш Гири (Голландия) – 2790

5. Максим Вашье-Лаграв (Франция) – 2788

6. Хикару Накамура (АҚШ) – 2787

7. Левон Аронян (Арманистон) – 2784

8. Сергей Карякин (Россия) – 2779

9. Дин Лижэнь (Хитой) – 2777

10. Уэсли Со (АҚШ) – 2773

11. Вишванатан Ананд (Ҳиндистон) – 2770...

45. Рустам Қосимжонов (Ўзбекистон) – 2694.