«Барселона» Испания чемпионатининг 31-тури доирасида Мадриднинг «Реал»ига қарши ўйинда жамоанинг собиқ ўйинчиси ва мураббийи Йохан Кройф хотирасини шарафлайди, дея хабар бермоқда «Корреспондент.net».
Трибуналарга 90 мингта бўлакдан иборат «Раҳмат, Йохан!» ёзуви туширилган мозаика жойланади.
«Барселона»—«Реал» учрашуви 2 апрель куни Каталония пойтахтидаги Камп Ноу стадионида бўлиб ўтади. «Раҳмат, Йохан!» жумласи, шунингдек, «Барселона» ўйинчилари ва матчдан олдин жамоа аъзолари билан бирга майдонда пайдо бўладиган болаларнинг футболкаларига ҳам туширилади. Ўйиннинг ўзи бир дақиқалик сукут билан бошланади.
Йохан Кройфф «Барселона» таркибида 1973–1978 йилларда тўп сурган, 1988–1996 йилларда эса у жамоага мураббийлик қилган.
Илгарироқ «Барселона» мухлислари клуб стадиони «Камп Ноу»ни Йохан Кройфф шарафига номлашни таклиф этиб, Twitter’да махсус #EstadiJohanCruyff ҳештегини яратгани хабар қилинган эди.
Ўпка саратонига қарши бир неча йилдан буён кураш олиб борган Йохан Кройфф 24 март, пайшанба куни 68 ёшида вафот этди.
Изоҳ (0)