Бугун, 29 март куни Тошкентдаги «Бунёдкор» стадионида ЖЧ—2018 ва Осиё Кубоги—2019 саралаши доирасида Ўзбекистон термаси Баҳрайнга қарши баҳс олиб борди. Унда 1:0 ҳисоби қайд этилиб, Ўзбекистон термаси фойдасига ҳал бўлди.
Дастлабки бўлимда ҳисоб очилмади ва жамоалар танаффусга 0:0 ҳисобида чиқиб кетди. Ўйиннинг 50 дақиқасида эса Сардор Рашидов рақиб ҳимоячиларини доғда қолдириб, ажойиб зарба билан ҳисобни очишга муваффақ бўлди.
Ўзбекистон терма жамоаси навбатдаги ғалабадан сўнг «H» гуруҳи 10-туридан сўнг очколар сонини 21 тага етказиб, биринчи ўринни кўлга киритди. Баҳрайн 9 очко билан қолиб кетди ва тўртинчи поғонадан жой олди.
Эслатиб ўтамиз, ушбу гуруҳдан ўрин олган Филиппин ва КХДР ўртасидаги ўйинда 3:2 ҳисобида филиппинлик футболчилар ғалаба қозонди.
Ўзбекистон – Баҳрайн 1:0
Гол: Сардор Рашидов (50)Огоҳлантиришлар: Егор Кримец (45) – Волид Ал-Ҳаям (31), Ҳусайин Али-Баба (46)
Ўзбекистон: Александр Лобанов, Виталий Денисов (Станислав Андреев, 25), Егор Кримец, Анзур Исмоилов, Даврон Ҳошимов, Азизбек Ҳайдаров, Одил Аҳмедов, Сервер Жепаров (Жавоҳир Соҳибов, 69), Сардор Рашидов, Элдор Шомуродов (Жасур Ҳасанов, 60), Игорь Сергеев.
Баҳрайн: Аббос Аҳмад, Сайид Муҳаммад Аднан, Абдулла Умар, Волид Ал-Ҳаям, Ҳусайин Али-Баба, Сайид Дҳия Шуббар, Ҳешам Наем (Сами Ал-Хусани, 74), Абдулваҳоб Али Ал-Сафи, Абдулваҳоб Ал-Малуд (Абдулла Юсуф Ҳелал, 85), Исмоил Абдуллатиф (Муҳаммад Ал-Ромаи, 69), Комил Ал-Асвад.
Қайд этиш керакки, Ўзбекистон терма жамоаси Баҳрайнга қарши учрашув олдидан ЖЧ–2018 турнирининг 3-саралаш босқичига йўлланмани қўлга киритиб бўлганди.
Изоҳ (0)