Бугун,

  • USD 11014.01
  • RUB 191.8
  • EUR 10674.78

Профессионал бокснинг WBA йўналиши бўйича амалдаги жаҳон чемпиони Лукас Браун унинг қони таркибида аниқланган препарат йўталга қарши дорида бўлганини маълум қилди, деб ёзади «Оламспорт».

Фото: Getty Images

Фото: Getty Images

Бунга қадар супероғир вазн тоифасида чемпионлик камарини ўзбекистонлик боксчи Руслан Чагаевдан тортиб олган австралиялик чарм қўлқоп устаси допинг истеъмол қилганликда шубҳа қилинаётганди.

Лукас Браун берган маълумотдан кейин Россия тиббий қўмитаси раисининг ўринбосари Эдуард Безгулов унга изоҳ беришга ҳам улгурди. Мутахассиснинг сўзларига кўра, допинг боксчининг организмига у айтиб ўтган дори орқали тушиши мумкин эмас.

«Баҳоналар изланаётганда одатда икки хил важ кўрсатилади: ё йўтал дори, ёки гўшт маҳсулоти. Ҳозир суюқлик ҳақидаги ҳикоя жуда кулгили кўриняпти. Биринчидан, Астралияда кленбутеролли дорилар сотилмайди. Иккинчидан, жанг олди ёки кейинги қайдномаларида йўталдан даволаниш борасида гап-сўз бўлмаган. Спортчи унда допинг тестгача уч ҳафта давомида нималар қабул қилганини кўрсатиши керак. Боз устига, доридаги дозалар болаларбоп, улар жангдан сўнг аниқланмаган бўларди», — дейди Эдуард Безгулов.

Безгуловнинг сўзларига кўра, бунга қадар велопойгачи Альберто Контадор гўшт маҳсулоти орқали допинг қабул қилган бўлиб, спортчи бу борада оқланишга яқин бўлган. «Пойгачининг организмига допинг гўшт орқали тушиши мумкин эди. Лекин Контадорни барибир дисквалификация қилишган», — деб айтиб ўтди Россия тиббий қўмитаси раисининг ўринбосари.

Изоҳ
Асосий янгиликлар