Бугун,

  • USD 10940.05
  • RUB 182.26
  • EUR 11121.65

АҚШ президенти Барак Обаманинг Кубага ташрифи бошланди. Давлат раҳбари Хосе Марти номли аэропортга оиласи — рафиқаси Мишель, қизлари Малия ва Саша, шунингдек, қайнонаси Марианн Шилдс Робинсон билан бирга учиб келган. Бу ҳақда «Интерфакс» хабар берди.

Фото: EPA

Фото: EPA

Сафар чоғида президентга Давлат котиби Жон Керри, Куба билан мулоқотни кенгайтириш тарафдори бўлган бир неча нафар республикачи конгрессмен ва америкалик бизнесменлар гуруҳи ҳам ҳамроҳлик қилмоқда.

Ташриф кун тартибига кўра, Обаманинг эски Гавана бўйлаб сайр этиши, Куба раҳбари Рауль Кастро, Гавана архиепископи, кардинал Хайме Ортега, шунингдек, мамлакат фуқаролик жамияти вакиллари билан учрашувлари кўзда тутилган. Куба инқилоби етакчиси Фидель Кастро билан мулоқот режалаштирилмагани билдирилмоқда.

Эслатиб ўтамиз, Барак Обама 88 йил давомида мазкур орол-давлатга келган АҚШнинг биринчи амалдаги давлат раҳбари бўлди. АҚШ 1961 йилда Куба билан дипломатик алоқаларни узган ва савдо-иқтисодий эмбаргони жорий этганди.

Изоҳ
Асосий янгиликлар