Игорь Сергеев 2015 йилги Ўзбекистон чемпионатининг энг яхши тўпурари бўлди

Тошкентнинг «Пахтакор» клуби ҳужумчиси Игорь Сергеев ўтган мавсум якунларига кўра Ўзбекистон чемпионатининг энг яхши тўпурари бўлди, деб хабар беради Ўзбекистон футбол федерацияси матбуот хизмати.

Ўзбекистон олимпия (U-23) ҳамда миллий терма жамоаси ҳужумчиси тўпурарлар пойгасида жами 24 та гол билан «Қизилқум» ҳужумчиси Баҳриддин Ваҳобовни (21 та гол) ортда қолдирди.

Қайд этиш жоиз, Игорь Сергеев ўтган мавсум давомида икки маротаба, июнь ҳамда октябрь ойларида чемпионатнинг энг яхши ўйинчиси сифатида эътироф этилган эди. Ўзбекистон миллий терма жамоаси ҳужумчиси учун мазкур соврин фаолиятида биринчиси бўлди.

Ўзбекистон чемпионати–2015 тўпурарлари кучли учлиги:

1. Игорь Сергеев («Пахтакор») – 24 та гол
2. Баҳриддин Ваҳобов («Қизилқум») – 21 та гол
3. Санжар Шоаҳмедов («Локомотив») – 14 та гол

• Одил Аҳмедов 2015 йилда Ўзбекистоннинг энг яхши футболчиси деб топилди

• Самвел Бабаян Ўзбекистоннинг 2015 йилдаги энг яхши мураббийи деб топилди

• Артур Геворкян 2015 йилги Ўзбекистон чемпионатининг энг яхши футболчиси деб топилди