Ер аҳолиси 8 мартга ўтар кечаси Юпитерни кўриши мумкин бўлади

Юпитер саккизинчи мартга ўтар кечаси Ер ва Қуёш билан битта чизиқ бўйлаб жойлашади, натижада уни оддий кўз билан кўриш мумкин бўлади, дея хабар бермоқда «Аргументы и факты» Пулково обсерваторияси катта илмий ходимига таяниб.

Унинг сўзларига кўра, бутун қиш давомида Юпитер тунги осмонда кўриниб турган, 8 март куни эса ушбу даврнинг кульминацияси кузатилади. 8 март куни у энг аниқ-равшан тарзда кўринади, бироқ бундан бир неча кун аввал ва кейин ҳам газли гигантни уфқда кўриш мумкин бўлади.

Юпитер Қуёш атрофини бир марта айланиб чиқишга 12 йил сарфлайди, ҳар 13 ойда эса у Ер ва Қуёш билан битта чизиқда тизилади.

«Юлдузлардан фарқли тарзда, Юпитер қуёш нурини акс эттиради холос, аммо у биз билан битта сайёралар тизимида жойлашган ва ‘юзма-юз’ келган пайтида у Ердан триллионлаб эмас, 600 миллион км узоқликда бўлади», — деди астроном.