Ўзбекистон Республикаси Президентининг 10 февралдаги фармойиши (pdf) билан Тошкент шаҳрида ўтказилган Халқаро инвестиция форумида эришилган келишувларни амалга оширишга оид қўшимча чора-тадбирлар тасдиқланди, деб ёзади «Norma.uz».
2015 йил 5—6 ноябрь кунлари Тошкент шаҳрида 550 дан ортиқ хорижий фирмалар, компаниялар вакиллари, молия институтлари иштирокида ўтказилган Халқаро инвестиция форумида инвестиция лойиҳаларини ҳамкорликда амалга ошириш ҳамда хорижий инвесторлар томонидан давлат ва хўжалик бошқаруви органлари активларини сотиб олиш тўғрисида 12,4 миллиард долларлик 100 дан ортиқ шартномалар, битим ва меморандумлар имзоланган эди.
Ҳужжатга мувофиқ, Халқаро инвестиция форумида эришилган келишувларни амалга ошириш бўйича Комиссия тузилади, унинг асосий вазифалари қуйидагилардан иборат бўлади:
- форум натижалари бўйича имзоланган келишувлар ва меморандумлар юзасидан, шунингдек, бошқа қарорлар бўйича бир ё муддатда хорижий инвесторлар билан музокаралар олиб боришни якунлаш;
- активларни олди-сотди битимини расмийлаштириш ва унинг ўз вақтида ижро этилиши юзасидан назоратни таъминлашни ташкиллаштириш;
- савдоларга қўйилган ҳажмлардан кўпроқ (улуш) қўшимча акциялар пакетларини харид қилишга қизиқиш билдирганлиги тўғрисидаги хорижий инвесторнинг таклифларини Хорижий инвесторларга давлат мулкини сотиш бўйича тендер савдоларини ўтказиш Давлат комиссиясига киритиш;
- муқобил хорижий инвесторларнинг талабномаларини кўриб чиқиш тўғрисида қарор қабул қилиш ва бошқалар.
Изоҳ (0)