Украинада 2015 йил сентябрь ойида бошланган эпидемия мавсуми давомида бугунга қадар грипп ва унинг асоратидан нобуд бўлганлар сони 313 кишига етди. Бу ҳақда Украина Соғлиқни сақлаш вазирлиги матбуот хизмати берган маълумотларга асосан «Интерфакс» хабар қилмоқда.
«Эпидемия мавсуми бошланган вақтдан ҳозирга қадар грипп ва унинг асорати туфайли 313 та лаборатория шароитида тасдиқланган ўлим ҳолати қайд этилди. Вафот этганлар орасида 17 ёшга тўлмаган беш нафар бола ва икки нафар ҳомиладор аёл ҳам бор», ― дея таъкидланмоқда.
Маълум қилинишича, Одесса вилоятида ― 40 та, Киевда ― 37 та, Черкасск вилоятида ― 22 та, Донецк вилоятида ― 24 та ва Львов вилоятида ― 18 тадан иборат энг кўп ўлим ҳолати аниқланган.
Эслатиб ўтамиз, Украинада жами 292 та грипп ва унинг асоратларидан ўлим ҳолати қайд этилган эди.
Изоҳ (0)