Бугун,

  • USD 11095.31
  • RUB 173.84
  • EUR 10772.44

Гравитация тўлқинлари олимларга Катта портлаш юз берган вақтдан буён Оламни эшитиш ва уни тушунишга имкон беради. Бу ҳақда Италия ядро физикаси миллий институтининг катта илмий ходими Юрий Миненков «ТАСС»га маълум қилди.

Фото: NASA

Фото: NASA

«Гравитация тўлқинлари ёрдамида Катта портлашдан кейинги Оламимизни кузатишимиз мумкин. Астрономиядаги ҳеч бир канал бизнинг Оламимиз яралишига бунчалик яқин келиб, керакли маълумотни олишга қодир эмас», — деди Миненков.

Гравитация тўлқинларини очган муаллифлардан бири, Флорида университетида ишловчи Сергей Клименко Олам сирларини тушуниш учун инсониятда қўшимча «сезги» пайдо бўлганини айтиб ўтди.

«Энди биз илгари ҳеч қандай йўл билан излаш имкони бўлмаган сигналларни излай оламиз. Бу Олам ҳақида мутлақо янги билимларни беради: у қандай яралган, унинг эволюцияси қандай кечган. Астрономиянинг мутлақо янги тури очилади: гравитация тўлқинлари ёрдамида Оламни ўрганиш. Инсоният янги ‘сезги’га эга бўлди: у нафақат Оламни кўришни, балки уни ‘эшитиш’ни ҳам ўрганди», — деди Клименко.

Олимнинг сўзларига кўра, гравитация тўлқинларини ўрганиш кейинги ўн йилликларда давом этади. 2—5 йил ичида Европа, Япония ва Ҳиндистонда янги детекторларни ишга тушириш режалаштирилган.

Эслатиб ўтамиз, 11 февраль куни Миллий фан жамғармаси гравитация тўлқинларининг мавжудлиги исботини бир вақтнинг ўзида икки – Луизиана ва Вашингтон штатларидаги обсерваториялар томонидан 2015 йилнинг 14 сентябрь куни қўлга киритилганлигини маълум қилган эди.

Изоҳ
Асосий янгиликлар
Маҳаллий
Ўзбекистонда Уруғчилик ҳамда пистачилик илмий марказлари ташкил этилади
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Шоу-бизнес
Йиллар давомида таниб бўлмас даражада ўзгарган Голливуд актёрлари (фото)