Баварияда икки поезднинг тўқнашиб кетишига диспетчер томонидан йўл қўйилган «инсоний хатолик» сабаб бўлган, деб ёзади Meduza прокуратура маълумотларига таяниб.
Бу ҳақда темир йўл ҳалокатини текшираётган прокурор Вольфганг Гизе махсус матбуот анжуманида маълум қилди.
Унинг сўзларига кўра, 39 ёшли диспетчерга нисбатан жиноий текширув бошланган.
«Агар диспетчер қоидаларга мувофиқ ҳаракат қилганида, поездлар тўқнашмаган бўларди», — деди Гизе.
Эслатиб ўтамиз, иккита йўловчи поезди Бавариядаги Бад-Айблинг шаҳри яқинида 9 февраль куни тўқнашиб кетган эди. Натижада 11 киши ҳалок бўлди, 150 дан ортиқ киши турли жароҳатлар олди.
Изоҳ (0)