Россия Сурияга янги разведкачи самолёт олиб келди

Россиянинг Суриядаги Хмеймим авиабазасига янги Ту-214Р разведкачи самолёти юборилди. Бу ҳақда парвозларни кузатиб борувчи FlightRadar24 сервисига таяниб, «Интерфакс» маълум қилди, деб хабар беради Meduza.

FlightRadar24 маълумотларига кўра, Қозон авиация заводи аэродромидан учиб чиққан самолёт Каспий денгизининг халқаро сувларидан, кейин эса Эрон ва Ироқ ҳудудидан учиб ўтиб, 15 февраль, душанба куни кечқурун Хмеймим базасига қўнган.

Россия ҳарбий-ҳаво кучлари таркибида иккита Ту-214Р самолёти синовдан ўтмоқда.