Қутқарувчилар ҳалок бўлган альпинист жасадини олиб тушиш учун 11 февраль, пайшанба куни Эльбрусга йўл олди. Бу ҳақда Россия ФВВ Эльбрус қидирув-қутқарув отряди тезкор навбатчиси маълум қилди, дея хабар беради «Интерфакс».
«Денгиз сатҳидан 4800 метр баландликда, тахминан Пастухов қоялари ҳудудида альпинист ҳалок бўлган. Унинг жасадини олиб тушиш учун 11 нафар қутқарувчи юборилди», — дея таъкидлаган навбатчи.
ФВВнинг Кабардин-Балкария республикаси бўйича бошқармаси матбуот хизмати раҳбари Кантемир Беровнинг билдиришича, номаълум эркак жасади шу ҳудуддан ўтиб кетаётган гуруҳ томонидан аниқланган ва бу ҳақда қутқарув отрядига хабар берилган.
Изоҳ (0)