Мексикадаги қамоқхонада содир бўлган ғалаёнда камида 50 киши ҳалок бўлди

Мексика шимолидаги қамоқхонада юз берган ғалаёнда ўнлаб кишилар ҳалок бўлди. Бу ҳақда Sky News нашрига таяниб, «Интерфакс» хабар бермоқда.

Маҳаллий телеканаллардан бирининг маълумотларига кўра, камида 50 киши ҳалок бўлган: уларнинг орасида маҳбуслар ҳам, турма назоратчилари ҳам бор.

Монтеррей шаҳри яқинида жойлашган қамоқхонага тез тиббий ёрдам ва махсус топшириқли қўшинлар машиналари юборилди.

Ғалаён вақтида бир неча маҳбус қочиб кетган бўлиши эҳтимоли истисно қилинмаяпти.