Россия Мудофаа вазирлиги вакили Игорь Конашенковнинг маълум қилишича, Туркия—Сурия чегарасида юз бераётган ишлар Туркиянинг Сурияга бостириб киришга тайёргарлик кўраётганидан далолат бермоқда. Бу ҳақда Meduza хабар қилмоқда.
«Туркия қуролли кучларининг Сурия ҳудудида фаол ҳаракатларни амалга оширишга яширинча тайёргарлик кўраётгани белгиларини биз янада кўпроқ қайд этяпмиз», — деди Конашенков.
Эслатиб ўтамиз, олдинроқ Конашенков россиялик ҳарбийлар ихтиёрида, жумладан, мухолифат томонидан тасвирга олинган ва Туркия томонидан Сурия ҳудуди ўққа тутилгани акс эттирилган видеолавҳалар борлигини маълум қилганди. Россия Латакиядаги аҳоли пунктлари ўққа тутилгани ҳақидаги видеони Туркия ТИВ Россиянинг Су-34 самолёти Туркия ҳаво чегараларини бузгани ҳақидаги баёнотидан кейин тақдим қилганди.
Изоҳ (0)