Rossiya Mudofaa vazirligi vakili Igor Konashenkovning ma’lum qilishicha, Turkiya—Suriya chegarasida yuz berayotgan ishlar Turkiyaning Suriyaga bostirib kirishga tayyorgarlik ko‘rayotganidan dalolat bermoqda. Bu haqda Meduza xabar qilmoqda.
“Turkiya qurolli kuchlarining Suriya hududida faol harakatlarni amalga oshirishga yashirincha tayyorgarlik ko‘rayotgani belgilarini biz yanada ko‘proq qayd etyapmiz”, — dedi Konashenkov.
Eslatib o‘tamiz, oldinroq Konashenkov rossiyalik harbiylar ixtiyorida, jumladan, muxolifat tomonidan tasvirga olingan va Turkiya tomonidan Suriya hududi o‘qqa tutilgani aks ettirilgan videolavhalar borligini ma’lum qilgandi. Rossiya Latakiyadagi aholi punktlari o‘qqa tutilgani haqidagi videoni Turkiya TIV Rossiyaning Su-34 samolyoti Turkiya havo chegaralarini buzgani haqidagi bayonotidan keyin taqdim qilgandi.
Izoh (0)