Путин читалик мактаб ўқувчисининг хатига жавобан ўз дастхати туширилган суратини жўнатди

Россия президенти Владимир Путин читалик мактаб ўқувчиси Женя Бузиннинг хатига жавобан ўз дастхати туширилган суратини жўнатди, деб ёзади «РБК».

Давлат раҳбарининг жавоб хатини ўқувчига Байкалорти ўлкаси бўйича бош федерал нозир Николай Гантимуров топширди.

Болакай ўз мактубида президентни Янги йил билан табриклаб, муваффақиятлар тилади ва ўз қизиқишлари ҳақида гапириб берди.

Женянинг онаси айтишича, улар Янги йилни Хитойда кутиб олган, у ердаги қаҳвахонада телевизор орқали Путиннинг табригини эшитгач, бола қаттиқ таъсирланган ва Россияга қайтиш истагини билдирган. У, шунингдек, сиёсатга қизиқиб келади. Масалан, Путин ҳокимият тепасида қанча вақт бўлиши, сайловлар қандай бўлиб ўтиши, ҳозирги президент ўрнини ким эгаллаши ҳақида сўраган.