Microsoft Xbox’даги ўйин учун сарфлаб қўйилган маблағни қайтаришга қарор қилди

Microsoft компанияси 17 ёшли канадалик ўсмир томонидан компьютердаги FIFA ўйини учун бехосдан сарфлаб юборилган маблағни унинг отасига қайтаришга қарор қилди, деб ёзади «Hi-tech.mail.ru».

Компания дастлаб пулни қайтариб бермаган ва ота-онанинг тўлов ҳисобидан фойдаланиб амалга оширилган харидлар Microsoft’нинг  фойдаланувчилар билан тузадиган келишувига кўра, қонуний транзакциялар ҳисобланишини таъкидлаган эди.

Ўсмирнинг отаси айтишича, у билан Microsoft’нинг ўзи боғланган ва ўйин ичидаги харидларни бекор қилиш эвазига маблағни қайтариб беришини айтган.

Эслатиб ўтамиз, ҳодиса Канаданинг Онтарио провинциясидаги Пембрук шаҳрида содир бўлган эди. Кредит карта ҳисобидан ўйин ичидаги харидлар учун 8860 доллар ечиб олинган.