Тошкентдаги Алишер Навоий номли киносаройи («Панорама»)да 23 январь куни режиссёр Рустам Саъдиевнинг «Барон» фильми учун 4,5 мингта чипта сотилди. Бу ҳақда «Даракчи.uz» нашри хабар бермоқда.
21 январдан бошлаб киносаройнинг барча 10 залида «Барон» фильми намойиш этилган ва, киносарой ходимлариниг сўзларига кўра, «Панорама» тарихида бундай воқеа бўлмаган.
«Ўзбеккино» Миллий агентлиги матбуот хизматидан «Дарё»га маълум қилишларича, ҳақиқатан ҳам 24 январга қадар киносаройнинг барча 10 залида «Барон» фильми қўйилган, 25 январдан эса «Барон»дан ташқари, «Дадам билмасин» ва «Қайсаргинам» фильмлари ҳам намойиш этилмоқда.
Маълумот учун, Тошкентдаги Mega Cinema, Parus Cinema, Premier Hall, Vega Cinema, «Ғунча» кинотеатрларида, Киночилар уйида ҳам «Барон» фильми намойиши давом этмоқда.
Изоҳ (0)