Qantas Airways (Австралия) қаторасига учинчи йил авиасоҳа вакилларининг хавфсизлик ва иш сифатини тадқиқ этувчи AirlineRatings сайти версияси бўйича дунёнинг энг хавфсиз авиакомпанияси деб топилди. Бу ҳақда «Интерфакс» хабар бермоқда.
Рейтинг йигирматалигига кирган бошқа авиакомпаниялар ўрни бўйича эмас, алифбо тартибида жойлаштирилган. Улар қаторига қуйидагилар киритилган: Alaska Airlines, American Airlines, Hawaiian Airlines, United Airlines (АҚШ), All Nippon Airlines ва Japan Airlines (Япония), British Airways ва Virgin Atlantic (Буюк Британия), Air New Zealand (Янги Зеландия), Cathay Pacific Airways (Гонконг), Emirates ва Etihad Airways (БАА), EVA Air (Хитой), Finnair (Финляндия), Lufthansa (Германия), Singapore Airlines (Сингапур), KLM (Нидерландия), Scandinavian Airline System (SAS, Швеция), Swiss International Air Lineс (Швейцария) ҳамда Virgin Australia (Австралия).
Тадқиқотда ҳаммаси бўлиб 407 авиакомпания қамраб олинди. Улардан 148 таси сайт версияси бўйича хавфсизликнинг энг юқори рейтинги — 7 та «юлдуз»ни қўлга киритган. Шу билан бирга, салкам 50 та авиакомпания 3 «юлдуз» ва ундан ҳам кам баҳо олган. 10 та авиаташувчи атиги битта «юлдуз»га эга: улар Индонезия, Непал ва Суринам вакилларидир.
2015 йилда дунё авиакомпаниялари рекорд даражадаги йўловчини ташиган: 34 миллион рейс ва 3,6 миллиард киши. Ўтган йили содир бўлган 16 авиаҳалокатда 560 киши ҳалок бўлган, бу охирги ўн йилликдаги ўртача кўрсаткичдан (31 ҳодиса, 714 киши нобуд бўлган) паст ҳисобланади.
Изоҳ (0)