Микрочиплар ишлаб чиқарувчи Intel «Буюмлар Интернети» (Internet of Things, IoT) жаҳон бозоридаги энг нуфузли компания деб топилди. IoT Analytics мутахассислари ушбу технологиялар билан боғлиқ брендлар веб-сайт ва ижтимоий тармоқларда қай даражада тилга олинишини ҳисоб-китоб қилиш орқали шундай хулосага келди, деб ёзади 3DNews.
IoT-ечимлар ишлаб чиқарувчи энг обрўли компаниялар рейтингида Америка компаниялари етакчи поғоналарни банд қилди. Intel’дан кейинги ўринларни IBM, Microsoft, Google ва Cisco эгаллади. Жанубий Кореянинг Samsung ва LG брендлари 9 ва 10-поғоналарда жойлашди.
Дунёдаги энг нуфузли IoT компаниялари рўйхатида, шунингдек, Япониянинг NEC компаниясига 16, Хитойнинг Huawei компаниясига 18-ўринни беришди.
«Буюмлар Интернети» концепция бўлиб, унда моддий объектлар Тармоққа уланган ҳамда иш самараси ва қулайлигини ошириш мақсадида ахборот алмашиш учун бошқа қурилмалар билан идентификация қилина олади.
Изоҳ (0)