Бугун, 24 декабрь куни 2003 SD220 астероиди Ердан 11 миллион километр масофада учиб ўтади, дея хабар бермоқда «РИА Новости» АҚШ аэронавтика ва коинотни ўрганиш миллий бошқармасига таяниб. Тўқнашиш хавфи истисно қилинди.
NASA ходими Пол Кодас сўаларига кўра, астероид Рождество арафасида (католиклар Рождество арафасини 25 декабрь куни нишонлайди) учиб ўтиши муносабати билан хавфсираш учун асос йўқ.
Тадқиқотчилар тахмин қилишича, осмон жисми кўмирсимон хондрит (C-хондрит), яъни таркибида темир кўп бўлган тўқ тусли астероиддир. Бизга маълум бўлган астероидларнинг тахминан 75 фоизи шундай турга киради.
Олимлар ҳисоб-китобларига кўра, 2003 SD220 соатига 101 минг км тезликда ҳаракатланиб, секин айланмоқда. Астероиднинг узунлиги 1,1 ва 2,5 км оралиғида деб тахмин этилган эди, энди астрономлар у 2 километрга тенглашаётгани, осмон жисмининг ўзи товуқ оёғини эслатаётганини айтмоқда.
Изоҳ (0)