Мьянманинг икки нафар фуқароси британиялик сайёҳлар — Дэвид Миллер ва Ханна Визерижни ўлдирганликда айбдор деб топилди ва ўлим жазосига маҳкум этилди, дея хабар бермоқда «ТАСС» Таиланднинг Сураттхани провинцияси суди қарорига таяниб.
Шов-шувли жиноят 2014 йил сентябрида содир этилган. Миллер ва Визериж Таиланд жанубидаги Тао ороли пляжида шафқатсизларча ўлдириб кетилган. Британияликларни ўлдиришда гумонланиб мьянмалик икки гастарбайтер — Зава Лиина ва Вина Зав Туна ҳибсга олинган.
Улар дастлаб ўз айбларини тан олган бўлса, кейинроқ қийноқлар остида шундай кўрсатма берганини айтиб, айбларини рад этган. Шунга қарамай, суд уларнинг айбини исботланган деб топди.
Изоҳ (0)