Пойтахтнинг Қатортол кўчасида янги оилавий-кўнгилочар марказ — «Parus» ишга тушди.
«Parus» — бу бутун оила дам олиши учун мўлжалланган марказ бўлиб, олти қаватдан иборат ушбу марказ, ташриф буюрувчиларга унутилмас ҳиссиётлар, хурсандчилик ва байрамона кайфият улашади.
Марказнинг биринчи қаватида маҳсулотларга бой ёрқин «Sunday» супермаркети жойлашган. Бундан ташқари, шу қават шоппинг ишқибозларига айниқса манзур бўлади — бу ерда сўнгги услубдаги либос ва пойабзаллар дўконлари мавжуд.
Иккинчи қаватда энг янги ўйин автоматлари, болалар учун хилма-хил аттракционлар ва арғимчоқлар ўрнатилган «Parus Wonderland» ўйин майдончаси жойлашган. «Parus Kids World» болалар майдончасида фарзандларингизга қувонч ва хурсандчилик улашади — бу ерда тажрибали ва масъулиятли тарбиячилар болаларга доим ғамхўрлик қилади. Шу қаватда «Winni-the-Pooh» махсус болалар кафеси ва «American Pizza» кафеси мавжуд, фреш шарбатлари ва мазали музқаймоқларни хуш кўрувчиларни эса «Aroma» барида кутамиз.
Адреналин ва кучли ҳиссиётларни ҳис қилишни ёқтирувчилар учун учинчи қаватда автодром, қувноқ тепаликлар, арғимчоқлар ва энг замонавий ўйин автоматлари мунтазир. «Минор» кафесида миллий ва уйғур ошхонаси таомларига, «Big Burger» кафесида эса энг мазали бургерларнинг таъмига баҳо беришингиз мумкин.
Агар киноман бўлсангиз, демак, тўртинчи қават айнан Сиз учун. Бу ердаги «Parus Cinema» кинотеатрининг ҳар учала залида жаҳон кинопрокати ва миллий кино саноатининг энг янги фильмларини Euro Sound 7.1 овоз форматида ҳузурланиб, Lux классдаги қулай ўриндиқларда томоша қилишингиз мумкин. Сеанслар оралиғида «Zor-Burger», «Belissimo», «Sandwich & Grill» кафелари ва «Gussimo» барида енгил тамадди қилиш имконияти мавжуд.
Янада кўпроқ кучли ҳиссиётларни бошдан кечиришни истасангиз, унда тўғри бешинчи қаватга йўл олинг. Бу ерда сизни «Формула-1»нинг энг тезкор болидлари кутмоқда. Тасаввурингиздаги автомобилни парковка қилганингиздан сўнг, турк ошхонаси — «Sultan Kebab» ва «CFC» кафесидаги ширин таомларни татиб кўришингиз мумкин.
Мажмуанинг олтинчи қаватида фаол ҳордиқ чиқаришни хуш кўрувчилар учун тез орада боулинг ва бошқа оилавий ўйинлар зонаси очилади.
«Parus» — биз билан ҳар бир кун байрам!
Реклама ҳуқуқи асосида
Изоҳ (0)