Чимён МДҲ ва Грузиянинг қиммат бўлмаган тоғ-чанғи курортлари ўнлигидан ўрин олди

«Travel.ru» сайёҳлик сервиси Forbes журнали билан ҳамкорликда МДҲ мамлакатлари ва Грузиянинг нархи қиммат бўлмаган, хизмат кўрсатиш сифати яхши тоғ-чанғи курортлари рейтингини тузди. Бу ҳақда «Anons.uz» хабар бермоқда.

Рўйхатга кирган курортларда икки кишилик дам олиш бюджети январь ойининг биринчи ярмида бўлиши кутилаётган нархлардан келиб чиқиб тузилган бўлиб, қиммат бўлмаган меҳмонхонада бир кун яшаш қиймати («OkToGo.ru» маълумотлари бўйича), тоғ-чанғи мажмуасига киришнинг бир кунлик тўлови ва кафедаги тушликни ўз ичига олган.

МДҲ мамлакатлари ва Грузиянинг ўнта қиммат бўлмаган тоғ-чанғи курортлари рўйхати қуйидагича кўриниш олди:

• Белокуриха (Олтой ўлкаси, Россия) — 3,2 минг рубл
• Логойск (Минск, Беларусь) — 3,4 минг рубл
• Завялиха (Челябинск вилояти, Россия) — 3,4 минг рубл
• Красная Сопка (Камчатка, Россия) — 3,4 минг рубл
• Каракол (Бишкек, Қирғизистон) — 3,5 минг рубл
• Чимён (Тошкент, Ўзбекистон) — 3,5 минг рубл
• Шаҳдаг (Боку, Озарбайжон) — 3,7 минг рубл
• Буковел (Украина) — 3,8 минг рубл
• Бакуриани (Тбилиси, Грузия) — 4,1 минг рубл
• Чимбулоқ (Олмаота, Қозоғистон) — 4,3 минг рубл