Ҳиндистон парламенти зўравонлик ёки қотиллик каби оғир жиноятларни содир этишда гумонланаётган 16 ёшдан 18 ёшгача бўлган вояга етмаган жиноятчиларни катталар каби судлашга рухсат берувчи қонунни қабул қилди, деб ёзади Kazakhstan Today.
Бунгача улар маҳаллий жиноят кодексига кўра, уч йилгача озодликдан маҳрум этилар эди. Энди эса улар бир умрлик қамоққа ёки ўлим жазосига маҳкум этилиши мумкин.
Қонун лойиҳаси парламентнинг қуйи палатаси томонидан май ойида маъқулланган эди. Қонун мамлакат президенти томонидан имзолангач, кучга кириши кутилмоқда.
Ҳиндистонда сўнгги вақтларда вояга етмаганлар томонидан амалга оширилган жиноятлар сони кескин ошиб кетди. 2014 йилнинг ўзидаёқ улар томонидан қотиллик, зўрлаш, заҳарли кимёвий моддалар билан ҳужум қилиш каби 38 565 та жиноят содир этилган.
Изоҳ (0)