Хитойда жойлашган Pegatron заводининг ўн нафар ходимини жуда йирик ҳажмдаги ўғирлик учун ҳибсга олишди, дея хабар бермоқда «Hi-tech.mail.ru». Улар корхонадан жами қиймати 154 минг долларлик Apple қурилмалари ва бутловчи қисмларини чиқариб кетган.
Pegatron Apple’нинг асосий шартномачи шерикларидан бири ҳисобланади. Компания ходимлари штати 100 минг кишидан ортиқ бўлиб, ўтган йилнинг ўзидаёқ Куньшандаги завод iPhone 6s’ни йиғиш бўйича буюртмаларни бажариш учун 40 минг кишини ёллади.
Жиноятларда тўрт нафар ошхона ишчиси ва олти нафар йиғувчи ходим қатнашган. Аввалроқ улардан икки нафари бешта iPhone 6’ни ўмаришга улгурган — қурилмаларни ҳожатхонага яширишган ва ошхона ишчиларига топширишган.
Кейинчалик заводга ёвуз ниятлиларнинг шериклари ҳам ишга кирган. 2014 йил июнидан 2015 йил январигача ўн нафар жиноятчи завод ҳудудидан жами қиймати 154 минг долларлик 227 та iPhone, 360 та тизим панели ва 58 та аккумуляторни чиқариб кетган, бунинг учун улар 7 ойдан 8 йилгача бўлган муддатга қамалиши мумкин.
Изоҳ (0)