«Реал» футболчилари кечки овқат устида Бенитес келажагини муҳокама қилди

Испания Кубоги ўтаётган бир вақтда, турнирдан четлатилган «Реал» клуби футболчилари Мадрид шаҳридаги ресторанлардан бирида кечки овқат тановул қилиш учун ўзаро жам бўлди, деб хабар беради «Stadion.uz».

«Йиғилиш» давомида футболчилар клубдаги муаммолар ва уларни ҳал қилиш йўллари ҳақида суҳбат қурган.

Шунингдек, футболчилар клуб бош мураббийи Рафаэль Бенитес олиб бораётган иши борасида ҳам баҳс-мунозаралар ўтказди. «Реал» футболчилари Испания чемпионати ва Европа Чемпионлар Лигасида самарали ўйин олиб боришлари кераклигини ҳам муҳокама қилди.

Аввалроқ Рафаэль Бенитес ва клуб ўйинчилари ўртасида муносабатлар илиқ эмаслиги айтиб ўтилганди.