Буюк Британия собиқ бош вазири Маргарет Тэтчернинг шахсий буюмлари Christie’s аукционида 3,3 миллион фунт (қарийб 5 миллион доллар) га сотилди, дея хабар бермоқда «РИА Новости».
Энг қиммат лотлардан бири Тэтчерга АҚШ собиқ президенти Рональд Рейган томонидан ҳадя этилган бургут ҳайкали бўлди. У тахминан 400 минг долларга сотилди, унинг дастлабки қиймати 12 минг долларга тенг эди.
Кимошди савдосида жами 150 та лот сотувга қўйилди, яна 200 та лот онлайн савдога чиқарилди.
Тэтчер Британия ҳукуматини 1979—1990 йилларда бошқарган. Бу йил у 90 ёшни қарши олган бўларди.
Изоҳ (0)