Камчаткада Ми-8 вертолётининг қаттиқ қўниши оқибатида бир киши ҳалок бўлди
Россия Федерациясининг Камчатка ўлкасида Ми-8 вертолётининг қаттиқ қўниши оқибатида бир киши ҳалок бўлди. Бу ҳақда Узоқ Шарқ транспорт бўйича тергов бўлинмаси раҳбарининг катта ёрдамчиси Оксана Полшакованинг маълумотига таяниб, «РИА Новости» хабар беради.
«Дастлабки маълумотларга кўра, бир киши ҳалок бўлган. Жабрланганларнинг аниқ сони ҳақида бизда маълумот йўқ. Терговчилар фавқулодда ҳолат юз берган ҳудудга учиб кетди. РФ Жиноят кодекси 263-моддаси 2-қисми (‘Хавфсизлик ва ҳаво кемасидан фойдаланиш қоидаларини бузиш орқали одам ўлимини келтириб чиқариш’) бўйича жиноят иши қўзғатилди», — дейди Польшакова.
Ми-8 вертолёти 16 декабрь, чоршанба Камчатка ўлкасининг Соболевский туманида қаттиқ қўнишни амалга оширди. У газ компанияси ходимларини олиб кетаётган бўлган. Ҳудудий ФВВ олти кишининг жабрланганлигини маълум қилди. Вертолётда жами 22 киши бўлган.
