АҚШ Конгресси етакчилари мамлакатдан нефть экспортига қўйилган тақиқни олиб ташлаш ҳақида келишувга эришди, дея хабар бермоқда «ТАСС» Bloomberg’га таяниб.
Техас штатидан республикачи конгрессмен Жон Бартон сўзларига кўра, бундай қадам ёрдамида АҚШ жаҳон энергетика сиёсати жиловини қўлига олади. Эришилган келишув ҳали Сенат ва вакиллар палатаси томонидан тасдиқланиши керак.
Сўнгги икки ой ичида АҚШ Конгрессининг вакиллар палатаси республикачилар томонидан тақдим этилган, Америка нефти экспортига қўйилган тақиқни олиб ташлашни назарда тутувчи қонун лойиҳасини ёқлаб, икки марта овоз берди, бироқ ҳар иккала ҳолатда ҳам ташаббус Сенат томонидан қўллаб-қувватланмади. Президент Барак Обама маъмурияти ҳам эмбарго бекор қилинишига қарши чиқмоқда.
АҚШдан нефть хомашёсини хорижга етказиб беришга қўйилган тақиқ федерал қонун сифатида расмийлаштирилган бўлиб, у 1975 йилдан буён амал қилади.
Изоҳ (0)