Итдан-да вафодорроқ жонивор йўқлигини исботловчи 20 фотосурат

Ит — ўзидан кўра сизни кўпроқ яхши кўрадиган Ер юзидаги ягона жонивордир. У ҳали туғилмасидан сизга содиқ — кучукчанинг кўзи ҳали очилмасидан, эгасига ишона бошлайди.

Ит — энг софдил ва самимий жонивор. Унга эътибор қаратишга ҳолингиз йўқлигини сезса, итингиз бир чеккада соатлаб, қимирламасдан сизни кутишга тайёр. Кайфиятингиз йўқлигини кўрса, бошини тиззангиз қўяди ва унинг кўзларидан: «Сени хафа қилишдими? Юр, айланиб келамиз, ҳаммаси ўтиб кетади!», — деган сўзларни уқиш мумкин бўлади.

Қуйидаги фотосуратларни томоша қилганингиздан сўнг, ит боқиб олишни хоҳлаб қолишингизга шубҳа йўқ, деб ёзади AdMe.

4 ёшли Жулиан ва унинг ньюфаундленд зотига мансуб 5 ёшли улкан дўсти Макс биргаликда улғаймоқда.

Шеп лақабли қари ит эгаси Жон Ангернинг кўкрагига бош қўйиб, ухламоқда. Артритдан азият чекаётган бу жонивор фақат сув ичида бўшашиб, оғриқ ҳақида унутади ва ухлай олади. Жон уни ҳар куни кўлга олиб борарди.

Ҳалок бўлган ҳарбийнинг ити унинг тобути олдида ётибди. 2011 йил, 19 август, Аёва штати, Рокфорд шаҳри.

Изелин Роза Борх — норвегиялик террорчи Андерс Брейвик томонидан Утёйа ёшлар лагерида амалга оширилган отишмадан сўнг омон қолганлардан бири. «Утёйадан сўнг мени даҳшатли босинқирашлар қийнай бошлади, қоронғуликдан қўрқа бошладим, умуман ухлолмай қолдим. Шунда онам билан келишиб, яна бир ит боқиб олишга қарор қилдик».

Оскар ва унинг бекаси — журналист Жоанна Лефсон ҳақиқий саёҳатчилардир. Улар биргаликда жаҳоннинг 32 мамлакатида бўлган.

Икки ёшли Бо ва унинг кучукчаси ҳар куни биргаликда уйқуга кетади, онаси эса уларни суратга туширади.

АҚШдаги стоматология клиникаларидан бирида махсус ўргатилган итлар ёш беморларга қўрқувни енгишда ёрдам кўрсатади.

Таъсирли хайрлашув лавҳаси — умри тугаётган ит ва унинг эгаси.

Истанбулдаги саёҳатчилар.

Кўринишидан ўйинчоқ айиқчага ўхшаб кетадиган Бу лақабли мазкур Померания кўппаги Facebook’даги энг машҳур ит ҳисобланади.

Умуман олганда, ёнингда суратларни расвосини чиқарадиган ошнанг борлиги — зўр!

Қариликда ҳам, беморликда ҳам ташлаб кетмайдиган дўст.

Уларга ишонса бўлади.

Сиқилма, ҳаммаси ўтиб кетади!

Кел, яхшиси бирор жиннилик қиламиз!