Осиё бокс конфедерацияси турли номинациялар бўйича Best of the Asians ғолибларини эълон қилди. Бу ҳақда UZ24 хабар бермоқда.
Бу йил ғолиблар 15 номинация бўйича аниқланди. Ўзбекистон вакилларидан Бектемир Мелиқўзев энг яхши боксчи, Рустам Саидов эса энг яхши мураббий бўлди.
Бектемир Мелиқўзиев 2014 йилда Нанкинда бўлиб ўтган бокс бўйича Жаҳон чемпионатидаги ғалабасидан сўнг Ўзбекистон терма жамоасига таркибига киритилди. У 19 ёшида Болгарияда ўтган Странж кубогининг олтин медалини қўлга киритди. 2015 йили Доҳада ўтказилган жаҳон чемпионатида кумуш медалига сазовор бўлди. Бу орқали у 2016 йилги Олимпиада ўйинларида қатнашиш ҳуқуқига эга бўлди.
Рустам Саидов 1999 йилда Тошкентда ўтказилган Осиё чемпионатининг олтин медалига, 2000 йилда Сиднейдаги Олимпиада ўйинларининг бронза медалига сазовор бўлган. 37 ёшли собиқ боксчи ҳозирда Ўзбекистонда бокс бўйича тажрибали мураббийдир. Унинг мураббийлигида ўзбекистонлик боксчилар томонидан жорий йил Доҳада бўлиб ўтган жаҳон чемпионатида 6 та медаль қўлга киритилди.
Изоҳ (0)