Барселона суди «Барселона» ҳужумчиси Лионель Месси фонди томонидан ташкил этилган ўртоқлик ўйинлари учун олган ноқонуний дея тахмин қилинган даромадлар ишини кўриб чиқди. Бу ҳақда «Stadion.uz» хабар қилмоқда.
Ишни кўриб чиққан судья полиция ва гувоҳларнинг кўрсатмаларини тинглаб, 2012 ва 2013 йилларда Мексика, АҚШ, Колумбия ва Перуда ташкил этилган кўргазмали ўйинлар орқали жамғарма ноқонуний даромадлар топганини аниқламади.
Мазкур ўйинларни ташкил этишда иштирок этган аргентиналик тадбиркор Гильермо Хавьер Марин 1,37 миллион доллар миқдоридаги даромад нимага сарфланганини тушунтириб берди. Айнан мазкур сумма жамғармага нисбатан суд ишининг очилишига сабаб бўлганди.
Изоҳ (0)