Россия ва Туркия терма жамоалари Евро—2016 финал босқичига қуръа ташлаш жараёнида махсус бошқа гуруҳларга ажратилмайди, деб хабар қилади «Stadion.uz».
«Россия ва Украина клублари 14 декабрь куни еврокубокларнинг плей-офф босқичига ташланадиган қуръа пайтида ўзаро тўқнаш келмайди. Россия ва Туркиянинг ўзаро тўқнаш келиб қолишининг олди олинмайди.
Евро—2016 қуръасида эса фақат Россия ва Украина терма жамоалари бир гуруҳга тушиб қолишининг олди олинади», – дейилади УЕФА матбуот хизмати баёнотида.
Шу тариқа, Россия ва Туркия клублари Европа Лигасининг плей-офф босқичида ўзаро тўқнаш келиши мумкин. Россия ва Украина клублари эса ўзаро тўқнаш келмайди.
Эслатиб ўтамиз, Евро—2016 финал босқичига қуръа ташлаш маросими 12 декабрь, Европа Лигаси плей-офф босқичига қуръа маросими эса 14 декабрь куни ўтказилади.
Изоҳ (0)