Ҳинд океанида 7,1 магнитудали зилзила рўй берди

Ҳинд океанида 7,1 магнитудали зилзила рўй берди. Бу ҳақда АҚШ Геология хизмати маълум қилди, дея хабар беради «ТАСС».

Хизмат маълумотларига кўра, зилзила ўчоғи океан тубининг 10 километр чуқурлигида, маркази эса Австралиянинг Херд оролидан 1020 километр шимоли-шарқда бўлган.

Жабрланганлар ҳамда вайронагарчиликлар ҳақида маълумот берилмаган.