Adidas компанияси ва «Олимпик Марсель» футбол клубининг собиқ эгаси Бернар Тапи Credit Lyonnais банки бошқарувидаги консорциумга 404 миллион евро тўлаш ҳақидаги суд қарори туфайли хонавайрон бўлганини маълум қилди. Бу ҳақда франциялик бизнесмен Le Monde газетасига берган интервьюсида айтиб ўтган, дея хабар беради «РБК».
Бундай катта миқдордаги маблағни тўлашга қурби етиши ҳақидаги саволга жавобан Тапи расмийлар уни касодлигини эътироф этиб, бор кўчмас мулки ҳисобланган — 28 йил аввал олган уйини сотишига тўғри келишини таъкидлаган.
Олдинроқ француз апелляция суди Тапига Credit Lyonnais банки бошқарувидаги молиявий консорциумга 404 миллион еврони қайтариш мажбуриятини юклаганди. Мазкур молиявий тизим 1993 йили, Тапи ўша пайтда ўзига тегишли Adidas компаниясини сотаётганда тузилганди. Келишув имзолангандан сўнг Тапи банкни фирибгарликда айблаган ва кейинчалик 404 миллион евро баҳоланган зиённи тўлаб беришни талаб қилган.
2013 йилда консорциум апелляция берган, февралда эса якуний қарор чиқарилганди. 3 декабрь куни Париж апелляция суди Тапининг шикоятини рад этди.
Изоҳ (0)